এই পৃষ্ঠাটোৰ বৈধকৰণ হৈছে
সবাক বান্ধিয়া নেই যমৰ কিঙ্কৰে॥
হেন আত্মা পাণ্ডু তই কি কাৰণে নেহ৷
বিৰাদ লগাবো আজি যম পদ্মাৰ সহ॥
দিহা৷ অ নাৰদ চলিলা ৰে
যমৰ ভবনে নাৰদ চলিলা ৰে
চাৰি কাষে নদী বৈতৰণী৷
ষোল শত যোজন যম ৰাজাৰ ভবন
চাৰি কাষে নদী বৈতৰণী৷
মাংসৰ শোণিত বয় দুৰ্গন্ধ বহিয়া যায়
পান কৰে পাতকি সকল৷
পাপী পাৰ হব খোজে পিছে যায় আগে নাসে
মাংস টানি খাই যে শৃগাল৷
নায়ায়ণ দেৱে কয় সুকবি বল্লভ হয়৷
নাৰদ মুনি কৰিলা গমন৷
দিহা। ভজৰে পামৰু মন হৰি চৰণতে৷
কি বুলি উত্তৰ দিম যম কৰণতে॥
পাপীৰ দুৰ্গতি দেখি নাৰদ তপোধন৷
যমক সম্বোধি মুনি বুলিলা বচন॥
