এই পৃষ্ঠাটোৰ বৈধকৰণ হৈছে
চিন্তিলা সুন্দৰী ঊষা বসি মঞ্চ ঘৰে৷
কিমতে নাচিব প্ৰাণ চমকিত কৰে॥
চিত্ৰ লেখা বোলে ঊষা নকৰা ক্ৰন্দন৷
যিবা দেৱ সহায় আছে কৰা সুমৰণ॥
পিতা মোৰ দৈত্যপতি শোণিতপুৰে ঘৰ৷
সৰ্ব্বকালে পূজে তেওঁ উমা মহেশ্বৰ॥
শিশুকাল হন্তে ঊষা চণ্ডী পূজে নিতে৷
ধূপ দীপ ফুল লৈয়া পূজে এক চিতে॥
ধ্যানত জানিয়া পদ্মা গৈল চণ্ডীৰ ঠাই।
ঊষাৰ পূজাক তুমি নাযাবা সতাই॥
আমাৰ শপত কাৰ্ত্তিকৰ মাথা খাস৷
ঊষাৰ পূজাৰ ঠাই যদি সতাই যাস॥
পদ্মাৰ কপটে চণ্ডী পাতিলা কপট৷
ঊষাই পূজিলা চণ্ডী নগৈলা নিকট॥
সুকবি নাৰায়ণ দেৱৰ সুৰস পাচালি৷
ঊষাৰ নাচন বুলি একই লেছাৰি॥
দিহা। বা’ল মোৰ সাজে অ উষাই কাচান কাছে
চিত্ৰলেখা আনি দিলা সুবৰ্ণ দাপনি৷
