এই পৃষ্ঠাটোৰ বৈধকৰণ হৈছে
৮৩
অসমীয়া মহাভাৰত।
চন্দ্ৰসূৰ্য্য়ে নেদেখিলে যাহাৰ চৰণ।
কুৰু সমাজত দুষ্ট কৰে বিকৰ্থণ॥
সিবেলাত দেখি আছে পৰম অন্যায়।
কেৱে কিছু নুবুলিলে আছিলেক চাই॥৩৬৫
পৰম সুহৃদ গণে মৌন হুয়া ৰৈল।
বিদুৰে ধৰ্ম্মত থাকি বুলিবাক লৈল॥
বিদুৰৰ বাক্য চয় মনত নুগুণি।
চুলত ধৰিয়া দ্ৰোপদীক ঘষাই আনি॥৩৬৬
উৰুত বৈসাইয়া বুলি যত লঘু বাণী।
তাসম্বাৰ কন্ধ ছেদ দেখিবো কৈসানি॥
অজাত শত্ৰুক যিটো সভা মাজে তুলি।
দাস বুলি যিটো জনে পিন্ধাইলা বাকলি॥ ৩৬৭
বস্ত্ৰ মানে কাঢ়ি লৈয়া ঢঙ্কাই খেদাইলা।
বিকৃত আকাৰ কৰি বৰ ৰঙ্গ পাইলা॥
সিটো দুষ্ট সবৰ অদ্যাপি দেখো মুখ।
আত পৰে প্ৰভু মোৰ আছে কোন দুখ ৩৮
আৰো এক বাৰ্ত্তা কহো শুনা নাৰায়ণ।
যুধিষ্ঠিৰ ৰাজাত প্ৰথমে দিবা জান॥
পুৰুষৰ পো যদি হৱে পাঞ্চো ভাই।
কৌৰৱক মাৰি ৰাজ্য লৈবাক যুৱাই ৩৬৯
