এই পৃষ্ঠাটোৰ বৈধকৰণ হৈছে
৬৬
উদ্যোগপর্ব্ব ।
তাসম্বাৰ পুজাত কৃষ্ণৰ শ্ৰদ্ধা নাই।
এখানি বচন মোৰ কৰিবা আতাই॥২৯৩
সভা মাজে কৃষ্ণ আসি যি বোলন্ত তোক।
সেহি খানি কৰ যদি কিনি লস মোক॥
দোৰ্যোধনে বোলয় কৰিবো মই তাক।
আমিয়ো এথানি বোলো নিদিবাহা হাক॥২৯৪
কালি হেন হোৱে যদি কৃষ্ণ আসে ঐক।
সাজু হুইয়া থাকিবাহা মহাৰথি লোক॥
কৃষ্ণ যেন নজানে পৰম যত্ন কৰি।
সমাজতে গোবিন্দক বন্দি কৰো ধৰি॥২৯৫
পোতাশালে থৈবো নিয়া জিঞ্জিৰি লগাই।
তিনি দিনত যেন এক সাজি খাই॥
তেবেসে পাণ্ডবে এৰিবেক ৰাজ্য আশা।
পুনৰপি আপুনি হৈবম্ভ বন বাসা॥২৯৬
মহা শোকে বিকল পাণ্ডৱ পাঞ্চ ভাই।
কৃষ্ণক মেলাইবে প্ৰতি কৰিবে উপাই॥
নেমেলিবো বন্দিয়ে পৰম ক্ৰোধ মোৰ।
অধিক কৰিবো মই যাতনা দোৰ্ঘোৰ॥২৯৭
দাঢ়ি নখ বাঢ়োক বিকৃত রূপ হুই।
দেখি নাৰী গণে যেন ডৰে নচাৱই॥
