এই পৃষ্ঠাটোৰ বৈধকৰণ হৈছে
৪৮
উদ্যোগ পৰ্ব্ব
গদা খড়ঙ্গ সাৰঙ্গ অক্ষয় টোন বান।
ৰথত নিবন্ধি মোৰ থৌক থানে থান॥ ২০৩
নুবুজি কুরুৰ চিত্ত সমাজ কপটি।
জানো দন্দ ভাঙ্গন্তে লাগয় কটা কটি॥
মাধবৰ বাক্য শিৰোগত কৰি সাৰ।
দাৰুকৰ আগত সাত্যকি পয়োসাৰ॥ ২০৪
মাধৱৰ আদেশ সাত্যকি মুখে শুনি।
ৰথ খান নিৰ্ম্মিলেক অনেক যতনি॥
সকল সুগ্ৰীব মেঘ পুষ্প বলাহক।
ৰথত যুৰিলা আনি চাৰিও ঘোটক॥ ২০৫
সুবৰ্ণ দৰ্পণ দিল ঘোটকৰ আগে।
গৰুড় কেতুক আনি তুলিলেক পাগে॥
নানা ৰত্নে জিকি পাৰে দেখি চিকি মিকি।
কৃষ্ণৰ আগত ৰথ যোগাইল দাৰুকি॥ ২০৬
উচ্চ ৰথ খান চাৰি ঘোৰা হৃষ্ট পুষ্ট।
ৰথ দেখি মাধবে ভৈলন্ত মহা তুষ্ট॥
এতহন্তে অন্তেশ পুৰৰ কন্যাগণ।
কতো দূৰ্ব্বাক্ষতে পথে দিলা আলিঙ্গন॥ ২০৭
কুম্ভে জল ভৰি ফল পল্লবে শোভন।
দোন ভৰি ভৰি থৈলা দুৰ্ব্বাক্ষত মান
