এই পৃষ্ঠাটোৰ বৈধকৰণ হৈছে
১৯২
উদ্যোগ-পৰ্ব্ব।
দুলড়ি।
নমো নাৰায়ণ, জগত কাৰণ,
পুৰাণ পুৰুষ হৰি।
তোমাৰ চৰণে, পশিলো শৰণে,
নিয়োক নাথ উদ্ধাৰি॥
যুধিষ্ঠিৰ ৰাই, শুভক্ষণ চাই,
যাত্ৰা লৈয়া শুভ দিনে।
ধৌম্যে অগ্নি জালি, দিলা ঘিউ ঢালি,
ৰাজাৰ জয়ক মনে॥৯০০
সঙ্গে চাৰি ভাই, যুধিষ্ঠিৰ ৰাই,
বিপ্ৰৰ নমি চৰণে।
যুদ্ধ কাচে কাচি, ৰথে চৰি পাচে,
চলি গৈলা তেতিক্ষণে॥
গাণ্ডীব ধনুক, অৰ্জ্জুনে ধৰিলা,
পিঠিত অক্ষয় টোন।
মাধবে আনিয়া, ৰথ যোগাইলন্ত,
চলিলা বীৰ অৰ্জ্জুন॥৯০১
