এই পৃষ্ঠাটোৰ বৈধকৰণ হৈছে
১৬৬
উদ্যোগ পৰ্ব্ব।
যি বেলাত দেখা শ্বেত বৰ্ণ চাৰি হয়।
আগ হইয়া ৰথি কৃষ্ণ পাছে ধনঞ্জয়॥৭৭০
বামত গাণ্ডিব ধনু কৰিবে টঙ্কাৰ।
দক্ষিণত দেবদত্ত শৰ চমৎকাৰ॥
দ্ৰোণ কৃপ অশ্বত্থামা কৌৰৱ কুমাৰ।
একৈকৰ লগে চলে সৈন্য গুৰুতৰ॥৭৭১
চাৰি যুদ্ধে যেন যুদ্ধ নাহি মনুষ্যৰ।
সি বেলাত অপুনি দেখিবা বীৰবৰ॥
সিবেলা সমৰে ঘোৰ ভীষ্ম অনিৰ্ব্বাৰ।
নিবাৰন্ত যিবেলা অৰ্জ্জুন ধনুৰ্দ্ধৰ॥৭৭২
সি বেলাত ঘোৰ ৰণ দেখিবা আপুনি।
কৌৰৱ পতঙ্গ বীৰ অৰ্জ্জুন অগনি॥
যি বেলাত বেঢ়ি থাকা কুৰু বীৰচয়।
তৃণবত কৰি ভীমসেনে বিনাশয়॥৭৭৩
তেসম্বাৰ মধ্যে পশি ক্ৰোধ বিপৰীত।
বাঘে যেন হৰিণৰ পিৱয় শোণিত॥
সেহিমতে ভীমে দুঃশাসনক ধৰি বলে।
তেজ খাই নাচন্ত পৰম কৌতুহলে॥৭৭৪
সিবেলা দেখিব বীৰ দাৰুণ সমৰ।
ডৰে নিদ্ৰা নাসিব সমন্তে কৌৰৱৰ॥
