এই পৃষ্ঠাটোৰ বৈধকৰণ হৈছে
১৬২
উদ্যোগ পৰ্ব্ব
দারুণ পুৰুষ গণ তৈতে লাগ পাইল।
অধোমুখ কৰি আমাক গৰ্ত্তত পেলাইল॥৭৫০
ভীষ্ম দ্ৰোণ আমি আসি ভৈলো একঠাই।
সপোনত তৰ তৰ কাম্পে মোৰ কাই॥
সপোনত দেখিলো নৃপতি যুধিষ্ঠিৰে।
তুমি সমে বসি আছা পৰ্ব্বত ওপৰে॥৭৫১
শুক্ল বস্ত্ৰ পৰিধান চাৰি ভাই সঙ্গে।
সসাগৰা পৃথিবী গিলন্ত মহাৰঙ্গে॥
সপোনত দেখন্তে কাম্পয় হাত ভৰি।
কধিৰ পিয়ন্তে দুই আঞ্জলিক ভৰি॥৭৫২
সুবৰ্ণৰ পাত্ৰ ভৰি তুলি দিলা আনি।
ঘৃত অন্ন দধি ৰাজা পিয়ন্ত আপুনি॥
সপোনৰ ফলে ৰাজ্য পাইবে যুধিষ্ঠিৰ।
সমৰত মাৰিবে সমস্তে কুৰু বীৰ॥৭৫৩
ৰাজা গণ একত্ৰ কৰিয়া ঘোৰ ৰণে।
যুদ্ধ যজ্ঞ প্ৰবৰ্ত্তাইবা জানি আছো মনে॥
ভীষ্মক দ্ৰোণ পাই দ্ৰোপদ কুমাৰে।
ধৃষ্টদ্যুম্ন শিখণ্ডিয়ে যি বেলা সংহৰে॥৭৫৪
সমস্তে নৃপতি গণ পৰিবে ৰণত।
যি বেলাত মোক ধনঞ্জয়ে কৰে হত॥
