এই পৃষ্ঠাটোৰ বৈধকৰণ হৈছে
১৪৭
অসমীয়া মহাভাৰত।
যদি ভাতৃ ভাগিন বা সুহৃদ সম্প্ৰতি।
ৰাজাৰ কুশল বাঞ্চিবেক দিনে ৰাতি॥৬৭৫
তাকে বুলি শত্ৰু যেন ৰোগ শৰীৰৰ।
যাহাক তেজিলে মুখে থাকে কলেৱৰ॥
যদ্যাপি পৰৰ পুত্ৰ মহা উপকাৰী।
কায় বাক্য মনে যিটো হিতক আচৰি॥৬৭৬
তাক বুলি মিত্ৰ ৰাজা ভাল মতে জানি।
গৃহক আনিবে তাক আপোনাৰ মানি॥
পৰে পৰ পুত্ৰত কৰিয়ো আশা বোধ।
মহা হিতকাৰী যেন বনৰ ঔষধ॥৬৭৭
আপোনাৰ সম যিটো বুদ্ধিমত্ত পাত্ৰ।
যত হস্তী ঘোড়াচয় নিয়োজিবে তাত॥
আপুনি পালিবে প্ৰজা গণক নৃপতি।
বুদ্ধিমন্ত আপোনাৰ পাত্ৰ সমন্বিতি॥৬৭৮
পাতিবেক সেনপতি প্ৰজাৰ ৰক্ষক।
দুৰ্জ্জনৰ হন্তে ৰাখিবেক নিশেষক॥
পিতৃ সদৃশ বিশ্বাসৰ থান যাত।
নৃপতিৰ ৰন্ধনত নিয়োজিবে তাত॥৬৫৯
অৰ্থ কাম লোভত নাহিকে যাৰ মন।
দ্বাৰত পাতিবে বৃদ্ধ বৃদ্ধ দ্বাৰীগণ॥
