এই পৃষ্ঠাটোৰ বৈধকৰণ হৈছে
১৪
উদ্যোগপৰ্ব্ব
অন্ধকাৰ ৰাত্ৰি দশো দিশে গৈল জলি।
দেখিয়া বিদুৰে উঠিলন্ত কৃতাঞ্জলি॥
এতহন্তে গৃহত পশিলা সনাতন।
বদুৰে মাথাত কৰি দিলেক আসন॥৪৭
পাদ্য অৰ্ঘ দিয়া ধৃতৰাষ্ট্ৰত জনাইলা।
শুনি ধৃতৰাষ্ট্ৰ আসনত উঠি আইলা॥
চক্ষু নাই নেদেখে বিদুৰে নিলে ধৰি।
নমিলন্ত ধৃতৰাষ্ট্ৰ প্ৰদক্ষিণ কৰি॥৪৮
ধৃতৰাষ্ট্ৰ বিদুৰে পুছিল যত মান।
ব্ৰহ্মাৰ তনয় কহিলন্ত তত্ত্ব জ্ঞান॥
এহিমতে পুছন্তে সংশয় দূৰ গৈল।
অনন্তৰে প্ৰভাত সময় আসি ভৈল॥৪৯
নৃপতিৰ আগে বিদুৰৰ বাক্য গণ।
প্ৰভাততে ব্ৰহ্মা পুত্ৰ ভৈলা অন্তৰ্ধ্য়ান॥
ধৃতৰাষ্ট্ৰে নিত্য কৰ্ম্ম অবসান কৰি।
পাত্ৰ সমে সমাজত বসিলা আবৰি॥৫০
ভীষ্ম দ্ৰোণ সমে কৌৰৱৰ শত ভাই।
বাহিলক শৌবল গান্ধাৰীও সেহি ঠাই॥
বেঢ়ি বেঢ়ি আছে যত পাত্ৰ মন্ত্ৰী গণ।
সঞ্জয়ক মাতি আনিলন্ত সেহি থান॥৫১
