এই পৃষ্ঠাটোৰ বৈধকৰণ হৈছে
১৩৮
উদ্যোগ পৰ্ব্ব।
তোমাৰ নিদানে দদা আড়ি আছে প্ৰাণ।
বজ্ৰ সম লোহাৰ কৱচ পৰিধান॥৬৩০
প্ৰিয় ভাই আমাৰ সদৃশ মোৰ গুণে।
যাক যোদ্ধা বুলি লেখে ভীষ্ম গুৰু দ্ৰোণে॥
একশত ৰথক একলে দেই ধাৰ।
হেনয় সাত্যকি দদা সহায় তোমাৰ॥৬৩১
আমাকে লেখিবা দদা তোমাৰ নিমিত্তে।
সাৰথিৰ ৰূপে যাইবো অৰ্জ্জুনে সহিতে॥
বুদ্ধি বলে যিমানে অবস্থা মোৰ কায়।
সিমান অৱস্থা ৰূপে আমিও সহায়॥৬৩২
যদ্যাপি তাৰাৰ সম নুহিকো যুজাৰ।
তথাপিতো দদা মই সেৱক তোমাৰ॥
দ্ৰোপদ বিৰাট আদি আনো বীৰ চয়।
তোমাৰ নিমিত্তে দদা দেহকো আড়য়॥৬৩৩
এতেকতে দদা তুমি হেলা পৰিহৰি।
আপোনাৰ ৰাজ্য লৈয়ো কৌৰবক মাৰি॥
বৈশম্পায়ন বদতি শুনিয়ো জন্মিজয়।
ৰাজাগণে কৃষ্ণৰ বচন শুনিচয়॥৬৩৪
ৰঙ্গ ভৈলা কৌৰৱক যুজিবাক মনে।
সিংহনাদ কৰিলেক সবে বীৰ গণে॥
