এই পৃষ্ঠাটোৰ বৈধকৰণ হৈছে
১১৯
অসমীয়া মহাভাৰত।
পদ।
বৈশম্পায়ন বদতি শুনিয়ো জন্মেজয়।
সহিলন্ত কৃষ্ণে কৌৰৱৰ দোষ চয়॥
পাণ্ডৱৰ হাতে সবে মৰাইবাক মনে।
কাটিবাক পাৰিয়ো ক্ষেমিলা নাৰায়ণে॥৫৪৫
এহিমতে আছিলন্ত ঘটি তিনি চাৰি।
পাছে সিয়ো ৰূপ এৰিলন্ত দেৱ হৰি॥
গুচিলেক সবে মায়া একেশ্বৰ ভৈল।
মহাকোপে কৌৰৱক বুলিবাক লৈল॥৫৪৬
শুন অৰে দোৰ্যোধন তোৰ লাজ নাই।
আমাক নধৰি কেনে আছস পলাই॥
নকাটিলো মই তোক কাটিবাক পাৰি।
ভীম ধনঞ্জয় দুইৰ অঙ্গীকাৰ স্মৰি॥৫৪৭
এহি বুলি আসনৰ উঠিলন্ত হৰি।
ভীষ্ম দ্ৰোণ বিদুৰক বচনে সাদৰি॥
কৃতবৰ্ম্মা সাত্যকীক ধৰিলন্ত হাতে।
নিজ ৰথে চড়ি চলি গৈলা জগন্নাথে॥৫৮
বিদুৰৰ গৃহে গৈষা প্ৰবেশিলা হৰি।
বিদায় কৰিলা কুন্তীক নমস্কাৰ কৰি॥
