এই পৃষ্ঠাটোৰ বৈধকৰণ হৈছে
১১
অসমীয়া মহাভাৰত
পাণ্ডৱৰ বাৰ্ত্তা শুনি মনত বিস্ময়।
ধৃতৰাষ্ট্ৰ ৰাজা তাক মনত গুণয়॥
নুৰুচে ভোজন কাকো নেদৈ সমিধান।
যেন মহা যোগীৰ লাগিল যোগ ধ্যান॥৩২
শয়ন কৰন্তে নিদ্ৰা নিমিলয়ে ৰাতি।
অনন্তৰে বিদুৰক আনিলন্ত মাতি॥
বিদুৰ আসিলা ধৃতৰাষ্ট্ৰ শুনি তাক।
সকৰুণে অনেক বুলিলা প্ৰিয় বাক॥৩৩
দেখা দেখা আবে যেন বিদুৰ বাপু মোক।
কি কাৰণে মনত নুগুছে দুঃখ শোক॥
বাম উৰূ বাম কৰ কম্পে বাম কটি।
কি কাৰণে বাপু মোৰ নাসয় ঘুমটি॥৩৪
বিছন্তেয়ো সকল শৰীৰ মোৰ পোৰে।
মৰণ বেলাত যেন শনিপাত জ্বৰে॥
নুৰুচে ভোজন পঞ্চামৃত যত ভোগে॥
অভ্যান্তৰে পিড়ে যেন গৰ্ভশূল ৰোগে॥৩৫
বিদুৰে বোলন্ত দদা সুমৰাইলা ভালে।
উৰুকৰ নিদ্ৰা নিমিলয় একো কালে॥
নিদ্ৰা নাসে চোৰৰ পৰৰ আনে ধন।
নিদ্ৰা নাসে ব্যাধিমন্ত ৰোগী যিটো জন॥৩৬
