এই পৃষ্ঠাটোৰ বৈধকৰণ হৈছে
৬৪
আদি চৰিত
তাহান তনয় গন্ধৰ্ব্বগিৰি নাম।
তান পুত্ৰ হৰিবগিৰি যে অনুপম।
তান পুত্ৰ কৃষ্ণকান্তি শুনা মহাৰাই।
লণ্ডাদেৱ পুত্ৰগুণ কহন নাযায়॥ ৬৪৫
তান পুত্ৰ চণ্ডীৰ গুণে অনুপম।
পণ্ডিতালি গুণে যাৰ নুহিকয় সম।
তানপুত্ৰ ভৈলা যিটো ৰাজধৰ নাম।
তেহুঁ ৰহিলন্ত বৰদোৱা নামে গ্ৰাম।
তান পুত্ৰ ভৈলা পিতামহ সূৰ্য্যবৰ।
পদ্মফুল ভৈলা ৰাজা কায়স্থ কুলৰ।
তাহান তনয় জানা নামে কুসুম্বৰ।
এক চিতে পূজে যিটো দেবী চণ্ডীকাৰ।
সত্যসন্ধা মাতা মোৰ পিতা কুসুম্বৰ।
তান পুত্ৰ মোৰ নাম শ্ৰীমন্ত শঙ্কৰ॥ ৬৫০
মই জম্মি গুচাইলোহোঁ দেবী পূজিবাক।
শিশুকালে পিতামাতা গৈল পৰলোক।
খেৰসুটি পিতামহী তুলিলেক মোক।
সমস্তে কহিলোঁ ৰাজা আমাৰ কথাক।
ইসৰ আমাৰ বংশ জানা মহাৰাই।
আদি অন্ত কথা যত কহিলোঁ বুজাই।
আমাৰ বংশ কথা শুনিলা নৃপতি।
এহি বুলি মৌন ভৈলা শঙ্কৰ বদতি।
