এই পৃষ্ঠাটোৰ বৈধকৰণ হৈছে
৪৮
আদি চৰিত
জ্যেষ্ঠ পুত্ৰ আৰিমত কুমাৰক নিলা।
বিশ্বনাথ নগৰৰ নৃপতি পাতিলা।
কনিষ্ঠ তনয় যাৰ নাম নাগমত।
তাঙ্ক ৰাজা পাতিলন্ত ৰতনপুৰত।
ধনে জনে বিভাগি দুইহাঙ্কে ৰাজ্য দিলা।
শুনা নৰনাৰায়ণ যেন কথা ভৈলা॥ ৪৭০
দুই বৰ্ষ ভোগ কৰি ৰাজা নাগমত।
মৃত্যু ভৈলা ৰত্নপুৰে জানা স্বৰূপত।
সেহি নগৰত ময়মত ৰাজা ভৈলা।
পুনৰূপি ৰত্নপুৰ নগৰ পালিলা।
এহিমতে আনন্দতে চৈদ্ধ বৰ্ষ আছে।
শুনিয়োক ৰাজা যেন কথা ভৈলা পাচে।
একদিনা বৃদ্ধ ময়মত নৰেশ্বব।
বিশ্বনাথ নগৰক গৈলেক সত্বৰ।
পিতৃ আসিবাৰ দেখি আৰিমত ৰাই।
আগ বাঢ়ি সাদৰে গৃহক লৈয়া যায়॥ ৪৭৫
মান্য সতকাৰে ৰাজা পিতৃক তুষিলা।
সেহি বেলা ময়মতে পুত্ৰক কহিলা।
মোৰ লগে চলা বাপু মৃগ মাৰোঁ গৈ।
মৃগমাংসে ভৱানীক পূজিবোঁহোঁ মই।
হেনয় পিতৃৰ বাক্য শুনি আৰিমত।
চতুৰঙ্গ সেনাগণ সাজিলা শকট।
