এই পৃষ্ঠাটোৰ বৈধকৰণ হৈছে
শ্ৰীকৃষ্ণায় নমো নমঃ
আদি চৰিত
পদ
জয় জয় জগত ঈশ্বৰ কৃষ্ণদেৱ ।
তাহান চৰণে পৰি মই কৰোঁ সেৱ ॥
শঙ্কৰ বদতি আৱে শুনা নৰেশ্বৰ ।
আমাৰ বংশৰ কথা কৰিবোঁ প্ৰচাৰ ॥ ২
আদি যে চৰিত্ৰ নাম পৰম শোভন ।
তোমাৰ আগত মই কহোঁ অনুক্ষণ ॥
নৰনাৰায়ণে শুনি বুলিলা সাদৰি ।
তোমাৰ বংশৰ কথা শুনো থিৰ কৰি ॥ ৪
কি কাৰণে ভূঞা বোলে কহিয়ো নিছয় ।
আদি অন্ত কথা মোত কহিবে লাগয় ॥
এহি বুলি মৌন ভৈলা পাচে নৰৰাই ।
শঙ্কৰে মাতিলা নৃপতিৰ মুখ চাই ॥ ৬
শঙ্কৰ বদতি কথা শুনা নৰেশ্বৰ ।
সমস্ত কহিবোঁ কথা আমাৰ বংশৰ ॥
