বিয়াৰ প্ৰয়োজন । মূর্খতা আৰু কি হ'ব পাৰে ! সেই দেখিয়েই তো শ্রীকৃষ্ণই তিতিবুৰি শিকি, যাবৰ সময়ত গোটেই বংশ ধ্বংসকৈ থৈ গৈছিল । বন্ধু । —বাৰু তোমাৰ কথাকে যেনিবা মানিলোঁ ; তিৰুতা- বিলাকৰ কি হ'ব ? তেওঁলোক তো পুৰুষৰ আশ্ৰয় নাপালে তিষ্ঠিব নোৱাৰে –“বিনাশ্রয়েণ ন জীৱন্তি পণ্ডিতা বণিতা লতাঃ।”” মই।—তুমি কি মান্ধাতোৰ আমোলৰ কথাবোৰ কোৱাঁ হে ? আজিকালিৰ কোনো শিক্ষিতা মহিলাই এনে কথা, শুনিলে তোমাক বাৰচেৰেক কাণত বেজ বেজাই যোৱা কথা শুনাই যে দিবই, আন কি, তেওঁৰ সোঁখনহাতে তোমাৰ বাওখন কাণো টিক-টিক কৰে ৰঙা নকৰাকৈ নেৰে। আজিকালি পুৰুষ আৰু নাৰী সকলো বিষয়তে সমানে চলিব। আগৰ দৰে তিৰুতাক তলত পেলাই খচকিৰ পাৰিম বুলি ভাবিছা হবলা ! সি কথা নেচেল ! বন্ধু।—এইখিনিতেই তোমাৰ ভুল, নিশ্চয় তুমি তিৰুতাৰ বিষয়ে বিশেষ একো নাজানা, নাইবা সভা-সমিতিৰ প্ৰস্তার গোটাচেৰেক মাথোন. শুনিছা ৷ এই সভা-সমিতিবোৰ কৰে কোনে ? যাৰ গিৰিয়েকৰ হাতনি পেৰাত ধনৰ নাটনি নাই,. একো উপার্জ্জন আৰু নিজে খৰচৰ বাহিৰে কেতিয়াও ধনৰ বলত লিগিৰা-লিগিৰী কৰিব নালাগে, যি স্বামীৰ লৈ মটৰ গাৰীত গা ঘেলাই ফুৰিব পাৰে, তেওঁলোকে । তেওঁ- লোকক নিজৰ ওপৰত নিৰ্ভৰ কৰি চলিবলৈ দিয়াচোন, তেওঁলোকৰ প্রস্তাব কলৈ উৰি যায় ! আন পক্ষে, যিবোৰ তিৰুতাই গিৰিয়েকৰ লগত পথাৰে-সমাৰে কাম-বন কৰি খাই আছে,
পৃষ্ঠা:আত্মানন্দৰ আত্মকাহিনী.pdf/৮১
এই পৃষ্ঠাটোৰ মুদ্ৰণ সংশোধন কৰা হোৱা নাই
![](http://upload.wikimedia.org/wikipedia/commons/thumb/0/0c/%E0%A6%86%E0%A6%A4%E0%A7%8D%E0%A6%AE%E0%A6%BE%E0%A6%A8%E0%A6%A8%E0%A7%8D%E0%A6%A6%E0%A7%B0_%E0%A6%86%E0%A6%A4%E0%A7%8D%E0%A6%AE%E0%A6%95%E0%A6%BE%E0%A6%B9%E0%A6%BF%E0%A6%A8%E0%A7%80.pdf/page81-1024px-%E0%A6%86%E0%A6%A4%E0%A7%8D%E0%A6%AE%E0%A6%BE%E0%A6%A8%E0%A6%A8%E0%A7%8D%E0%A6%A6%E0%A7%B0_%E0%A6%86%E0%A6%A4%E0%A7%8D%E0%A6%AE%E0%A6%95%E0%A6%BE%E0%A6%B9%E0%A6%BF%E0%A6%A8%E0%A7%80.pdf.jpg)