এই পৃষ্ঠাটোৰ বৈধকৰণ হৈছে
৩
অসমীয়া ৰামায়ণ।
কথায় কৰন্ত কৃষ্ণ দেবক বিদিত।
অপ্ৰয়াসে লগ পাৰে আপোন হৃদিত॥
আত্মা ৰূপে আছা তুমি সমস্ত ভূতত।
ভকতি নভৈলে নুহি কাহাতো বেকত॥
এছি জানি শুনা তান কথা অনুপাম৷
শ্ৰৱন কীৰ্ত্তন কৰা তানে গুণ নাম॥
ৰাম নাম সমান সুহৃদ নাহি আৰ।
অনন্ত কন্দলি কহে ৰামায়ণ সাৰ॥
ভাগৱত সুমে আক কৰিলোঁ মিশ্ৰিত।
যেন জাহ্নবীৰ জল তুলসী সহিত॥
ভাগৱত ৰামায়ণ কথাৰ সংবাদ।
যেন চিনি ঘৃতে আতি মিলয় সুস্বাদ॥
মাধব কন্দলি আদি মহন্ত বিশেষ।
কথা বন্ধে ৰামায়ণ ৰচিলা অশেষ॥
ময়ো লিখিবোহোঁ তাসম্বাৰ অনুমতি।
কিন্তু প্ৰপঞ্চিয়া কিছু কহিবো ভকতি॥
সাক্ষাতে পৰম ব্ৰহ্ম ৰাম অবতাৰ।
নাম মাত্ৰে তৰে যাৰ সকল সংসাৰ॥
তাহান সামান্য কথা নুৰুচয় শোক।
এতেকে ভকতি ৰচোঁ নিনিন্দিবা মোক॥
