এই পৃষ্ঠাটোৰ বৈধকৰণ হৈছে
নতুন সুৰ
বহুযুগ অতীতৰ
পাহৰণি গীত ফাকি গাই
কল্পনাৰ সুমধুৰ
স্মৃতি ছবি ফুটে মাৰ যায়।
নিতে নিতে অন্তৰৰ
গুপুত বীণত
তুলি যায় প্ৰতিধ্বনি
অতীত সুৰত।
সুদূৰৰ গীতৰ ধ্বনিত
কত শত কৰুণ উচ্ছ্বাস
জগতৰ কৰুণ হিয়াত
চকুলো পেলাই থৈ
বিননিৰ বোৱালে প্ৰৱাহ।
সি সোঁতত উটি গ’ল
কত শত তৰণৰ প্ৰাণ
কঙ্কণ সুৰত মিলি
তৰুণৰ পুৱঁতিৰ গান।
বই গল এটি সোঁত
জগতত নৱজীৱনৰ
সি সোঁতত উটিযায়
শত গীত নতুন সুৰৰ।
গৌহাটী ইং ২৭
