এই পৃষ্ঠাটোৰ মুদ্ৰণ সংশোধন কৰা হৈছে
১৪৩
ষোড়শ সৰ্গ
অসমৰ সিংহাসন, ৰাজমুকুট,
তথাপিও পূৰ্ণানন্দে কৰি অবিচাৰ
খেদালে অযোগ্য কৰি কৰি কৰ্ণহীন,
দিবল’ই চন্দ্ৰকান্তসিংহক মুকুট।
সিহেতু ভাবিলে তেওঁ ল’ব প্ৰতিশোধ,-
চন্দ্ৰকান্ত নৃপতিক কৰি অঙ্গক্ষত,
নিৰাশ্ৰয় কৰি এৰি বিজন বনত।
দিলে মত ৰুচিনাথে বজ্ৰৰ মতত।
তেতিয়াই বজনাথে সিদ্ধান্ত জনাই,
মৰঙ্গী খোৱাক দিলে পালনৰ ভাৰ।
মৰঙ্গী খোৱাই ল’ই সশস্ত্ৰ বাহিনী,
অবিলম্বে অবৰুদ্ধ কৰি ৰংপুৰ,
কৰিলে সগৰ্বে বন্দী স্বৰ্গদেৱতাক।
যাৰ চৰণত কৰি অৱনত শিৰ।
সেবিছিল ভৃত্যৰূপে অত দিন ধৰি,
পাহৰিলে শ্ৰদ্ধা আজি সিজনৰ প্ৰতি;
অতিকে নিষ্ঠুৰ ভাবে মৰঙ্গীখোৱাই
পৰিহৰি ভয়, ভক্তি, মনৰ সঙ্কোচ,
নিজ হাতে কৰ্ণচ্ছেদ কৰিলে ৰজাৰ।
কাঢ়ি ল'লে ধন ৰত্ন বস্ত্ৰ-অলঙ্কাৰ,
চক্ৰবৰ্ত্তী ৰজা কৰি পথৰ ভিক্ষুক।
সামান্য দোষীৰ দৰে যোৰহাটল’ই
আনি স্বৰ্গদেৱতাক কৰিলে অৰ্পণ
সবলে নতুন ৰজা মন্ত্ৰীৰ হাতত।
