এই পৃষ্ঠাটোৰ বৈধকৰণ হৈছে
৪০৯
গাঁৱলীয়া বোৱাৰী।
৮
শিক্ষা নাই অন্তৰত নানা তৰ্ক তুলি,
প্ৰধানতঃ সুশৰীৰে দুঃখ পায় বুলি,
গ্ৰাম্য বোৱাৰীয়ে ভাই
পৰিশ্ৰমে নেকেঁকায়,
ৰঙ্গমনে পৰিশ্ৰম কৰিছে সতত,
হাতে যেন কাৰ্য্য লাগি আছে অবিৰত!
৯
গৃহকৰ্ম্ম সাঙ্গ হল সময় বুজিলে,
নীৰবে চেঁচা পানীকে মূৰত ঢালিলে,
বোৱাৰীৰ ভাগ্যে, ভাই,
তপতোৱা পানী নাই,
কোমল শৰীৰে পুনঃ কঠিন প্ৰহাৰ,
কোমলে কঠিনে মিলে দেখা আৰ বাৰ!
১০
কুসাজে লাৱন্য-ৰূপ ঢাকিব নোৱাৰে,
চাকিয়ে আপুনি পোহৰাই অন্ধকাৰে,
ৰূপহ শৰীৰে ভাই,
যোগীনী সাজ পিন্ধাই
কোমলত কৰে পুনঃ কঠিন মিলন,
গ্ৰাম্য-গৃহ এই দৰে কৰিছে শোভন!
১১
কাৰ্য্য-ক্ষম, পৰিশ্ৰমী শৰীৰ শকত,
কেতিয়াও নিবিয়লে অলপ জহত,
শকত শৰীৰে হয়,
শক্তিমন্ত সুতনয়,
পৰিশ্ৰমী মাইকীৰ পৰিশ্ৰমীসুত,
আটিল শৰীৰ দেহ বহু বলযুত!
৫২
