এই পৃষ্ঠাটোৰ বৈধকৰণ কৰা হৈছে
১০৪৪
অসমীয়া সাহিত্যৰ চানেকি।
ৰাজা বোলে মন্ত্ৰী সেনা বল মোৰ,
কৰা তুমি নিৰীক্ষণ।
তাসম্বাক মন্ত্ৰী দান দিয়া তুমি,
যাহাক যেন বৰ্ত্তন॥
ক্ষণ বেলা চাই শুভ মূহুৰ্ত্তত,
যাত্ৰাক দিবে যুৱাই।
মন্ত্ৰী বোলে যাত্ৰা কৰণ উচিত,
নুহিকয় মহাৰাই॥
অবিচাৰে কৰ্ম্ম কৰয় আৰম্ভ,
অজ্ঞানে আপদ স্থান।
গুণলুব্ধ গণে বিচাৰি কৰয়,
সম্পদ লাভ প্ৰধান॥
শত্ৰুৰ বলক নকৰি বিচাৰ,
প্ৰবেশয় মূঢ় জন।
খড়গৰ ধাৰক সাবটি ধৰিলে,
নিশ্চয় হোৱে মৰণ॥
ৰাজা নিগদতি শুনিয়ো সম্প্ৰতি,
উৎসাহ ভঙ্গ নকৰ।
পৰক জিনিয়া পৰ ভূমি যেন,
লভিবে পাওঁ সত্বৰ॥
যেমন উপায়ে পৰৰ ভূমিক,
আক্ৰম কৰিতে পাৰি।
তেমন উপাই আমাত কহিয়ো,
তযু বুদ্ধি অনুসৰি॥
গৃধ্ৰে বোলে দেৱ যি কথা পুছিলা,
কহিবো তাক তোমাত।
যেমনে কহিবোঁ তেন আচৰিবোঁ,
তেবে ফল হোৱে জাত॥
