এই পৃষ্ঠাটোৰ বৈধকৰণ হৈছে
৮৩৮
অসমীয়া সাহিত্যৰ চানেকি।
ঘোষা॥
এ ৰাম নিৰঞ্জন।
তযু কথা অমৃত পৰম মনোহৰ॥
পদ॥
বিতোপন থান অনুপাম।
দৰশনে পুৰে মন কাম॥
আৰাম বটিকা যত যত।
শুনাকহো থানৰ মহত॥
দৌল গৃহ শুনিয়োক পাছে।
যাক যৈত নিবন্ধিয়া আছে॥
কহে শ্ৰীৰামচন্দ্ৰদাসে।
যাতে মাধৱৰ কথা আছে॥
এতেকে শুনিয়ো দৃঢ় কৰি।
মাধৱৰ কথাক সাদৰি॥
এৰিয়োক আন অন্য কথা।
এবে শুনা মাধৱৰ কথা॥
জগ উদ্ধাৰণ কাৰ্য্যে আসি।
পৰ্ব্বতত আছন্ত প্ৰাকাশি॥
জগত বিদিত মণিকূট।
গিৰিবৰ অতি অদভুত॥
অনন্ত আপুনি যোগবলে।
মণিকূট হয়া ৰবিতলে॥
গিৰিৰূপ ধৰিলা আপুনি।
যাত মৃত্যু দেৱৰো বাঞ্ছনি॥
দশনে হোৱে পাপ ক্ষয়।
আৰোহনে মুকুতি মিলয়॥
পুস্পাঞ্জলি কৰে যিটোজনে।
নাযায় সিটো যমৰ সদনে॥
পৰ্ব্বত শিখৰে বিদ্যামান।
দিব্য দৌল বিচিত্ৰ নিৰ্ম্মাণ॥
প্ৰৱন্ধে সাজিলা নানা ভাৱে।
মুৰ্ত্তিগণ আছে ঠায়ে ঠায়ে॥
