এই পৃষ্ঠাটোৰ বৈধকৰণ হৈছে
৯৬৬
অসমীয়া সাহিত্যৰ চানেকি।
তেবে মাধৱৰ নাম।
শুনিবাহা অবিশ্ৰাম॥
যত লীলা মাধৱৰ।
কহিবেক কোন নৰ॥
সুশোভন মঠ তলে।
সাক্ষাতে মাধৱ জ্বলে॥
মাধৱক দেখে যিটো।
মুকুত হোৱয় সিটো॥
হেনয় প্ৰভুৰ আগে।
লক্ষ্মীপতি মহাভাগে॥
বান্ধিলন্ত নাটঘৰ।
প্ৰীতি সাধি মাধৱৰ॥
মণিকুট পৰ্ব্বতৰ।
ছত্ৰ হৈলা নাটঘৰ॥
মঠে দণ্ড সুশোভিত।
নৃত্যগীত চলে নিত॥
খট খটি হৈল পাৱ।
আসন পৃথিবী মাৱ॥
বহুগুণ পৰ্ব্বতত।
আছে ময় কৈবো কত॥
মণিকুট পৰ্ব্বতত।
শুনা তাৰ যেন মত॥
মাধৱৰ নাটঘৰ।
দেখিবাক মনোহৰ॥
ৰুৱা কামি গুৰি চাল।
বিচিত্ৰ সুন্দৰ ভাল॥
শিৰি জ্বলে শাৰী শাৰী।
যেন তৰা ঝিকি পাৰি॥
থোম প্ৰকাশয় আতি।
উপৰত জ্বলে চৌতি॥
