এই পৃষ্ঠাটোৰ বৈধকৰণ হৈছে
৬২
অদ্ভুত ৰামায়ণ৷
শুনা সভাসদ গণ।
পুণ্য কথা ৰামায়ণ॥
যিতো ব্ৰহ্মা কৃপাময়।
হুয়া মনুষ্যৰ নয়॥২৪৯
মনুষ্যৰ নাট্য কৰে।
জানিবাহা নিৰন্তৰে॥
আত কিছু শঙ্কা নাই৷
সেহি গুণ নাম গাই॥২৫০
সংসাৰৰ পাৰ পাই।
দেখ ভাগৱত চাই॥
যেবে যাইবা ভব তৰি।
ডাকি বোলা হৰি হৰি॥২৫১
* পদ *
আত অনন্তৰে শুনা সভাসদ জন।
বিধিৰ বচন শুনিলন্ত কপিগণ॥
পড়ি পডি দণ্ডৱতে কৰি নমস্কাৰ।
পৃথিবী পাইলন্ত যেন গ্ৰহৰ সঞ্চাৰ॥২৫২
ৰামৰ সভাত মিলিলন্ত দড়দড়ি।
প্ৰণাম কৰিয়া বান্দৰৰ পদে পড়ি॥
