এই পৃষ্ঠাটোৰ বৈধকৰণ হৈছে
আড্ডাত
হোমিওপেথী ঔষধৰ দোকান এখনত
আমি আড্ডা দিওঁ মাজে মাজে
সঙ্গীবোৰৰ সকলোৰে কিবা নহয় কিবা অসুখ
কাৰোবাৰ চকুৰ
কাৰোবাৰ বুকুৰ
কাৰোবাৰ আকৌ
সপোনত খোজকঢ়া অসুখ।
দোকানী ডাক্তৰ অহৌবলিয়া মানুহ
জাৰ্মানীৰ তেজৰ বুৰঞ্জীৰ পৰা চোমালিয়া হৈ
দেশৰ লঘোণীয়া পেটলৈকে
অবাধ বিচৰণ।
ধুমুহাই যেতিয়া
আমাৰ ঘৰৰ মূধচ উৰুৱাই নিয়ে
তেতিয়া আমাক দিয়ে
সঞ্জীৱনী সুধা
তেওঁৰ ভাষাত নাম তাৰ
হীৰুদা আৰু নেৰুদা।
অনুচ্চ আর্তি/৪৭
