এই পৃষ্ঠাটোৰ বৈধকৰণ হৈছে
মাটি আকলুৱা কোন খেতিয়ক ডেকাই
বাঁহী বাই নিজান নিশা কঁপাইছিল বুকুৰ বতাহ
সি বাৰু তোৰে সখী
কানাই আছিল নেকি অ' কদম তেলী?
পাতালী যমুনাৰ জলেৰে পানী ওপচোৱা
কমলা কুঁৱৰীৰ কাতৰ প্ৰাৰ্থনাৰ তেজ
লাগি তোৰো বুকু হৈছিলনে ৰঙা?
........পাৰতে শোৱাই থৈ গ'ল........।
কিনো তই কালডাঁহী কাল
সৰগ পেলাই পুৰিলি বুকুৰ এফাল
সোণৰ নাৱত তুলিলি হিয়াৰ পদুমবোৰ
শোৱালি তাতে মুৰুলীৰ মধুৰ সুৰ
চুটকলাৰ দেওধনী জানো কেনেকৈ লাগিল তোৰ গাত
তই গ’লি যি গ’লিয়েই সাগৰ ধিয়াই
এবাৰো নেচালি উভতি
চোৱা হ'লে দেখিলিহেঁতেন কি কাঢ়ি নিলি তই
কেবা শতাব্দীৰ বুৰঞ্জী খোদিত
পিতামহ তেলীকদম ভূলুণ্ঠিত চিৰনিদ্ৰাত।
অনুচ্চ আর্তি/ ৪১
