এই পৃষ্ঠাটোৰ বৈধকৰণ হৈছে
কথকতা
কথা ক কথকী
নিমাতে নেথাক
হ কথাকলি
খুলি দে তোৰ
জলতৰঙ্গৰ মধুৰ থুনুপাক
আকৌ উভতি গৈ
আঁজলি পাতি ধৰোঁ
একুৰি এঅঁৰা খিল্খিল্ হাঁহি।
ৰম্যবনত মৃগয়া
নিঠুৰ মৃগয়া
সোণ-খটোৱা ৰূপ-খটোৱা চিকাৰী দাঁত।
বাসুকীৰ কামজ পেষণত
বসুমতী ফাটি চৌচিৰ
লেৰেলা স্তনত গাখীৰ শুকাল
গাখীৰত বুকুৰ আকাল
উদ্ফাই বেমাৰীৰ ব্যাকুল নিশাহত
কঁপি উঠে সুঘ্ৰাণ বতাহ
ভেটি উছন হোৱা
বৰ ভাৱৰীয়াৰ কৰুণ বিলাপে
শিলকপৌ বিচাৰি পিট্পিটাই ফুৰে
নিমাওমাও ভৰদুপৰীয়া ৰাতি।
অনুচ্চ আর্তি/ ১৭
