এই পৃষ্ঠাটোৰ বৈধকৰণ হৈছে
অঞ্জলি
স্বপ্ন যেন লাগে মোৰ এতিয়া সকলে,
তুমি যে আছিলা মোৰ,—কল্পনা মাথোন;
মনে মনে তাকে ভাবি উপভোগোঁ সুখ;
এতিয়াও দেখিছোনে আকউ সপোন?
বাণীদেবী
আছেনে মনত দেৱি অততী জীৱন,
গাইছিলা হিমালয়-টিঙত যেতিয়া,
পুৱাৰ নিয়ম পাই ভোমোৰা সুৰত,
নাচিছিল ঠেৱে ঠেৱে ফুলনি যেতিয়া?
গইছিল সূৰ্য্যদেৱ সুমেৰুৰ পিনে,
পৰ্ব্বতৰ পূবফাল আন্ধাৰত থই;
গাইছিলা তুমি বহি নইৰ পাৰত,
কাণ পাতি শুনিছিলে মৃগ-শিশু ৰই।
