এই পৃষ্ঠাটোৰ বৈধকৰণ হৈছে
১০
অঞ্জলি
দুটি এটি ৰঙা ফুল, আলসুৱা মাত,
দেখিছিলোঁ, শুনিছিলো, পাহৰিলোঁ তাকো,
এতিয়াও তাৰ সেই পুৰণি চিন্তাত
আঁউজিলে জুৰ বাই ভুলায় মনকো;
মন মোৰ চ’ৰা ঘৰ ছবিৰে সজোৱা,
তাত থকা বহু চিত্ৰ উৰি মাৰ যায়;
কিন্তু হলে এই ছবি একো নাই হোৱা
বহুদিন,বহুদিন উৰিও নেযায়।
⸻
জাগৰণ
⸻
যিদিনা পোনেই দেখোঁ,অলপ.গহীন,
আধা ফুটা আধা হাঁহি বিৰিঙে ওঁঠত,
চকুত চিনাকি খোজা পাইছিলোঁ চিন,
আছিল মাধুৰী কিবা ভৰিৰ খোজত;
