এই পৃষ্ঠাটোৰ বৈধকৰণ হৈছে
১১৮
অঞ্জলি
নুফুৰোঁ তোমাৰ আহি এই পাৰে পাৰে
কেতিয়াও চিৰকাললই।
নল গজি 'হুমুনিয়া ইয়াতে পেলাব,
বিৰিণা কঁৰিব ৰই ৰই,
ভোমোৰায়ো আহি নানা গীত-মাত গাব
পাৰেমানে চিৰকাললই।
হেজাৰ সূৰুয ব’ব তোমাৰ দেহত,
নাচিবও হেজাৰ চন্দ্ৰই,
নপৰিব ভৰি মোৰ তোমাৰ পাৰত
কেতিয়াও চিৰকাললই।
কবিতা
⸺:৹:⸺
মানুহৰ চিন্তা আৰু কল্পনা গছত
ফুলা তুমি এপাহি গোলপ,
ৰঙো আছে, গোন্ধো আছে, তিতা নিয়ৰত,
পৰা জঁয় যদি পোৱা তাপ।
