এই পৃষ্ঠাটোৰ বৈধকৰণ হৈছে
৯৬
অঞ্জলি
আশা
⸺০⸺
( ১ )
আঁকোলি নোপোৱা মন আশাৰ মন্দিৰ—
তাতে বাস কৰে আশা দেৱী ৰূপ ধৰি;
উচটাই দিয়ে যদি মন, খন্তেকতে
পৰুৱা পিশাচে ফুৰে লটি-ঘটি কৰি।
বাঁহনি জেঙনি নাই একাৰে বিচাৰ,
আঁচোৰ-পিচোৰ খাই ফুৰে সকলোতে;
যেতিৱা পুৱাব ৰাতি এৰিব পিশাচে,
ওলাবহি আপোনাৰ ঘৰ একেচাতে।
( ২ )
ধনে জনে কেউপিনে যাৰ বই যায়
আশা তাৰ অন্তৰত ওপচে সিমানে,
আশাধাৰী প্ৰাণী বুলি সকলোৱে কয়,
হ'ল বুলি কেতিয়াও আশাই নেমানে।
দুখীয়াৰ আশা সুখ, সুখৰ মানত,
মানৰ বিদ্যাত আশা, বিদ্যাৰ গুণত,
