এই পৃষ্ঠাটোৰ বৈধকৰণ হৈছে
৯৪
অঞ্জলি
( ২ )
চিন্তাৰ শকতিধাৰী প্ৰেমৰ বাহন,
কত শত গুণে আজি তোমাত শোভিছে!
গাত বহু অলঙ্কাৰে নিসন্ধি কৰিছে,
চিন্তা গুণ অনুৰূপ তোমাৰ গঠন।
তোমাৰ সন্তান তুমি—তোমাৰে আভাস,—
একে কায় একে মন থাপিত কাৰণে,
মতাবোল ভবা-কৰা একে, একে গুণে,
মনৰ গঠন মতে দেহৰ বিকাশ।
যতমান জন্তু তুমি দেখিছা আগত
আকৃতিৰ অনুসৰি মন গাইপতি,—
যেনে মন তেনে দেহ, তেনে পৰ কিতি,
সকলো সমিল-মিল একেটি বলত!
আহিব এদিন হ’ব নৱ বিকাশত,
আচৰিত বহু অঙ্গ তোমাৰ দেহত।
