বিৰিন্দাবনে ভেটলোঁ এ হৰি এ গুণেৰ নিধি এ


                                            ।। ৰাগঃ বেলোৱাৰ।। তালঃ ৰূপক।।

                                    ধ্ৰুং।। বিৰিন্দবনে ভেটলহোঁ এ হৰি এ গুণেৰ নিধিএ।
                                            অপৰূপ ৰূপে নয়ন দুহোঁ পুৰল
                                            হামাৰি সুপৰসন বিধি এ।।

                                    পদ।। সতড়িত নীল নবীন মেঘ জিনিয়ে
                                            তনু শোভিত পীতবাসে।
                                            নিৰমল গগণে তাৰক ঝিকি জিনিয়ে
                                            ৰতন ভূষণ পৰকাশে।।
                                            সুন্দৰ কেশ সুবেশ ভাল বনিয়ে
                                            শোভে কুসুম অপাৰা।
                                            প্ৰফুল্লিত যৈছে নীলগিৰি শিখৰ
                                            পেখি মন মোহিত হামাৰা।।
                                            ব্ৰজেৰ বালক মাজে বিনোদ নাগৰ গুৰু
                                            খেলত বহু ৰস ভাৱে।
                                            ৰসেৰ মাধুৰী হৰি ত্ৰিভুৱন মোহয়
                                            দীন মাধৱদাসে গাৱে।।