এই পৃষ্ঠাটোৰ বৈধকৰণ হৈছে
৭২৮
[ঘোষা ১৮৪
নাম-ঘোষা
হে কৃষ্ণ স্বামী তযু পাৱে আমি
কেৱল শৰণ চাঞো।
কৰা অনুগ্রহ মায়াৰ নিগ্রহ
তেৱেসে প্রভু এৰাঞো ৷৷ ১৮৪
হে যদুপতি মঞি মুঢ়-মতি
নজানাে সেৱা তােহ্মাৰ।
কেৱল তোমাৰ চৰণ-পঙ্কজে
শৰণ কৰিলো সাৰ৷৷ ১৮৫
পুৰুষ-উত্তম পৰম-পুৰুষ
পৰম-আনন্দ স্বামী।
তযু পাদ-পদ্ম- মকৰন্দ আশে
শৰণ পশিলো আমি৷৷ ১৮৬
প্রভু ভগৱন্ত অনন্ত ঈশ্বৰ
প্ৰপন্ন-জন-তাৰণ।
তুমি প্রিয়তম পৰম দেৱতা
জানিয়া লৈলাে শৰণ ॥ ১৮৭
১৮৬-৮৭। ভজমি পুৰুষোত্তমং পৰমং পুৰুষং পৰমানন্দং স্বামিনং।
ভগৱন্তং নৰােত্তমমনন্তমীশ্বৰং পৰমদেৱতাং বন্দে।
পা ১৮৪৷৷ শৰণ--ভকতি৷৷ তেৱেসে-- তেৱে বা৷