এই পৃষ্ঠাটোৰ বৈধকৰণ হৈছে
কীৰ্ত্তন ৪]
৬৩
অজামিলোপাখ্যান
হৰি হেন ইটো দুইগুটি অক্ষৰ
উচ্চাৰিলে একবাৰ।
মোক্ষৰ পথক যাইবাক লাগিয়া
সিও ভৈল কাছ-পাৰ॥
হৰিৰ নামৰ অনন্ত মহিমা
কহিবে কাৰ শকতি।
যদি চাৰি মুখে ব্ৰহ্মায়ে কহন্ত
তভো নুহি সমাপতি॥ ৩৯
কৃষ্ণৰ কিঙ্কৰে ভণিল শঙ্কৰে
শুনিয়োক সৰ্ব্বজন।
হেন জানি আন আল-জাল এড়ি
কৰিয়ো হৰি-কীৰ্ত্তন॥
কোন দিন ইটো শৰীৰ পড়য়
কেতিক্ষণ নেয় যম।
আউৰ কি সেন্থৰে ভাৰত-ভূমিত
হৈবাহা মানুষ-জন্ম॥ ৪০
কোটি কোটি জন্ম অন্তৰে যাহাৰ
আছে মহাপুণ্য-ৰাশি।
সিসি কদাচিত্ত মনুষ্য হোৱয়
ভাৰতবৰিষে আসি।
