পৃষ্ঠা:Kirtan Ghosha.pdf/৫৭৪

এই পৃষ্ঠাটোৰ বৈধকৰণ হৈছে
কীৰ্ত্তন ৩
৫৬৩
উৰেষা-বৰ্ণন

 দীৰ্ঘ দশ যোজন পথালি পাঞ্চ সীমা।
 কি কহিবো সিটো মহা ক্ষেত্ৰৰ মহিমা।৷
 পৰম আচৰ্য্যময় মনোহৰ থান।
 ইন্দ্ৰদ্যুম্ন নৃপতি দেখিলা বিদ্যমান॥ ২৩
 দুনাই মুনিগণে পাছে পুছিলা ব্ৰহ্মাত।
 পূৰ্ব্বত প্ৰতিমা কিয় নাছিল তথাত।৷
 কৰিয়ো সংশয় ছেদ প্ৰভু প্ৰজাপতি।
 বোলা হৰি হৰি পাপ যাউক অধোগতি॥ ২৪

তৃতীয় কীৰ্তন

ঘোষা॥ ৰাম ৰাম বোলা তাৱে।
 যমে নতু ধৰে যাৱে॥ ৩

পদ॥ ব্ৰহ্মায়ে বোলন্ত শুনিয়ো কথা।
 যি কাৰ্য্যে প্ৰতিমা নাছিল তথা॥
 পূৰ্ব্বত মেৰুৰ শিখৰে হৰি।
 বসিয়া আছন্ত আনন্দ কৰি।৷ ২৫
 প্ৰণামি জানু-শিৰে লক্ষ্মী মাৱে।
 কৰিলন্ত প্ৰশ্ন স্বামীৰ পাৱে॥
 কোন কৰ্ম্ম-ভূমি মনুষ্য লোকে।
 সদায়ে আক নেৰে দুঃখে-শোকে।৷ ২৬