এই পৃষ্ঠাটোৰ বৈধকৰণ হৈছে
কীৰ্ত্তন ৯
৫০৯
শ্ৰীকৃষ্ণৰ বৈকুণ্ঠ প্ৰয়াণ
নৱম কীৰ্ত্তন
ঘোষা॥ প্ৰণামো ৰাম প্ৰভু পদ্মপাণি।৷ ৯
পদ॥ অনেক বিনয় কৰিল ব্যাধ।
ক্ষমিয়ো হৰি মোৰ অপৰাধ।।
অধম মঞি পাপী দামোদৰ।
নজানি তোমাক কৰিলো শৰ॥ ৯৬
মনুষ্য লোকত যত অজ্ঞান।
যাহাক স্মৰণ কৰে নিৰ্যাণ।৷
হেন মাধৱৰ দ্ৰোহ আচৰি।
কেনে জীওঁ এৱে নগৈলো মৰি॥ ৯৭
চাহিবে নলাগে কাটিয়ো মোক।
পাপীৰ মোৰ প্ৰায়ছিত্ত হোক।৷
আউৰ যেন মই অধম পাপ।
নকৰো মহন্তক উপতাপ॥৯৮
শঙ্কৰ ব্ৰহ্মা আদি দেৱগণ।
যাহাৰ মায়ায়ে মোহিত-মন।৷
নজানন্ত যাৰ চৰিত্ৰ আতি।
জানিবো কিবা আমি অন্ত্য জাতি॥ ৯৯
পা ৯৮॥ উপতাপ-অনুতাপ।