এই পৃষ্ঠাটোৰ বৈধকৰণ হৈছে
৪৬০
[ খণ্ড ২১
কীৰ্ত্তন-ঘোষা
চাৰি বেদ অষ্টাদশ পুৰাণ যতেক শাস্ত্ৰ
পৰম বেদান্ত ভাগৱত।
সনক সনন্দ মুনি যোগ জ্ঞান বিচাৰিয়া
উদ্ধাৰিলা তাৰ সাৰ-তত্ত্ব॥
আগম পুৰাণ যত বেদান্তৰো তাতপৰ্য্য়
জানি কৰা ভকতিক সাৰ।
শ্ৰৱণ-কীৰ্ত্তন বিনা আন পুণ্যে নপায় জানা
ইটো ঘোৰ সংসাৰৰ পাৰ॥ ২৫ .
শুনিয়োক বুধ লোক জনম-মৰণ-দুঃখ
তৰিবাৰ যাৰ ইচ্ছা আছে।
গোৱিন্দৰ নাম-গুণ শ্ৰৱণ-কীৰ্ত্তন কৰা
অন্তকে কেশত ধৰি আছে॥
ইহেন মনুষ্য-তনু সেস্থৰে নপাইবা পুনু
চাৰি বেদে কহে নিষ্ঠ কৰি।
মাধৱৰ চৰণৰ কিঙ্কৰে শঙ্কৰে কহে
সদা ডাকি বোলা হৰি হৰি॥ ২৬
বেদ-স্তুতি সমাপ্ত॥ ২১॥