এই পৃষ্ঠাটোৰ বৈধকৰণ হৈছে
কীৰ্ত্তন ৮ ]
৩৭৫
মুচুকুন্দ-স্তুতি
প্ৰণত-পালক তোমাৰ চৰণে
লৈলোহো আৱে শৰণ।
ভয় শোক মৃত্যু গুচয় যিমতে
ৰক্ষা কৰা নাৰায়ণ॥
হেন তুতি কৰি মুচুকুন্দ ৰাজা
কৃষ্ণক প্ৰণামি আছে।
প্ৰণত-পালক দেৱ সনাতন
ৰাজাক মাতিলা পাছে॥ ১০৪
ভণিলা শঙ্কৰে শুনা সৰ্ব্ব নৰে
নকৰিয়ো জন্ম বৃথা।
শ্ৰৱণতে সুখে মোক্ষ-পদ পায়
শুনা হেন কৃষ্ণ-কথা॥
হৰিৰ কীৰ্ত্তন কৰিয়া পাপৰ
মুণ্ডত মাৰিয়ো বাড়ি।
আন কাম এড়ি বোলা হৰি হৰি
পলাওক পাতক ছাড়ি॥ ১০৫
