এই পৃষ্ঠাটোৰ বৈধকৰণ হৈছে
১৫২
[ খণ্ড ৭
কীৰ্ত্তন-ঘোখা
ক্ষীৰ সাগৰৰ ঢউ চৌভিতি উথলে।
পখালে পৰ্ব্বত সুশীতল গন্ধ-জলে॥
থানে থানে আছে ভুমি অনেক উদ্যান।
ফুলে জকমক গন্ধে নাহিকে সমান॥৪
নদী-নদ অশেষ বিশেষ সৰোবৰ
স্ফটিক-নিৰ্ম্মল জল দেখি মনোহৰ॥
বিদ্যাধৰসৱে তাতে নামি কৰে স্নান।
পখালে শৰীৰ বৱে সুগন্ধিত ঘ্ৰাণ॥ ৫
পৰম আমোদ গন্ধ উথলে সদায়।
দশোদিশ জুৰি তাৰ বায়ু বহি যায়॥
দেখি সুশোভন তৰু যত উপবনে।
যাত নিতে ক্ৰীড়ে দেৱ দিব্য নাৰীগণে॥ ৬
শাল তাল তমাল মন্দাৰ পাৰিজাত।
চম্পক অশোক আনো পুষ্প অসংখ্যাত॥
পা* ৪॥গন্ধ-জলে-দুগ্ধ-জলে।
- ৫॥ফটিক-নিৰ্ম্মল-ফটিক-ধৱল। সুগন্ধিত ঘ্ৰাণ- চন্দন সুঘ্ৰাণ।
- আমোদ-অমদ্য, আমোদ।
- [ দেৱীসজ্জনামোৰসৌৰম্ভাম্বৃনিলৈৰ্যুতঃ॥ —ভাগৱত ৮৷২৷৮
- ৬॥তৰু যত- বৰুণৰ।
- [ বৰুণস্য মহাত্মনঃ উদ্যানমৃতুমন্নাম-ভাগৱত ৮।২।৯