এই পৃষ্ঠাটোৰ বৈধকৰণ হৈছে
৬৩৬
লীলা।
কুমলীয়া অৰ্দ্ধাঙ্গিনী, কোমল জ্যোতিৰে,
জিলিকালে পিতৃগৃহ; জিলিকি আপুনি,
বহুকাল নিসন্তান জননী কোলাত।
পৰিল চকুত যে, মায়া-আৱৰণ
পাহৰিলে পূৰ্ব্বদশা; অৰ্দ্ধাঙ্গৰ কথা।
সৰল কোমল যত সৌন্দৰ্য-জেউতি
স্বভাৱৰ গাত সনা; সুগন্ধি ৰহণ,
প্ৰতি প্ৰাণে প্ৰতিভাত, পৰিয়াল জুৰি।
চৰিল জেউতি তাৰ, বয়সৰ লগে,
বিৰিঙ্গি অকণি ফোঁট, আবেগ লীলাৰ
বিয়পি শীতল যেবে কৰিলে সংসাৰ।
ঢোপাকলি বিকসিত পুষ্পৱতী হই;
মধুৰ সৌৰভ তাৰ, মৃদু বতাহত
বিচাৰি উৰিল নিজ পৰিমলভাগী।
