এই পৃষ্ঠাটোৰ বৈধকৰণ হৈছে
চতুৰ্থ অঙ্ক–১ম দৰ্শন]
লভিতা
১ম আমোলা। এৰা বলক হেৰি, বলক ইয়াৰ পৰা। কৰবাত গুলী চুলি উফৰি আহিব, ভাল কৰিলা ঈশ্বৰ !
দুয়ো বগাই ওলাই যায়। দূৰত ‘বন্দে মাতৰম্’ ধ্বনি কেইবাবাৰো হয় এনেতে সেইফালে কেইজনমান কংগ্ৰেছ ভলান্টিয়াৰ গান্ধী টুপী পিন্ধি কোবেৰে ওলাই যায় তাৰ পিছতে গান্ধী টুপী পিন্ধা এদল গাঁৱলীয়া ডেকাডেকেৰী-হাতত ত্ৰিবৰ্ণ নিচানলৈ গীত গাই সমদল কৰি সেইফালেদি যায়হি -
অ’ আমাৰ গাঁও !
আমাৰ গাঁৱৰ মান ৰাখি
মৰিবলৈ যাওঁ আমি
মৰিবলৈ যাওঁ ৷
ভৰপূৰ তামোলেৰে
সেউজীয়া পথাৰেৰে
দূৰতে জিলিক থকা
অ’ আমাৰ গাঁও !
দেশৰ হকে মৰিব পৰা
আমাৰ গাঁৱৰ ডেকা লৰা
ডেকেৰী নহয় পাছ পৰা
অ’ আমাৰ গাঁও।
৫৯