এই পৃষ্ঠাটোৰ বৈধকৰণ হৈছে
৪
বী ণ - ব ৰা গী
বুকুত গধুৰ হেঁচা৷
তোমাৰ বিননি শুনি থৰ হয়
পশু-পখী গছ-লতা
লুইত উজায়, জোন তধা লাগে,
মানুহৰ কিবা কথা?
হুমুনিয়াৰাশি মৰম পৰশি
তোমাৰো বিদাৰে হিয়া,
সৰগৰ বীণ লৱণুত অধিক
কোমলৰো কুমলীয়া৷
মানুহৰ দুখ বুকুত সুমাই
লইছা যতন কৰি,
অমৃতৰ ধাৰা শান্তি ছটিয়াই
লইছা সন্তাপ হৰি৷
একৰ দুখক এশত ভগাই
পাতলোৱা দুখ ভাৰ,
মানুহ প্ৰাণৰ এশ সুঁতি আনি
বোওৱাঁ একোটি ধাৰ,
গোৱাঁ দেৱি গোৱাঁ প্ৰাণৰ কথাটি
শুনক জগতে গোৱাঁ৷
গোৱাঁ আজি মোৰ প্ৰাণৰ ধাউতি
প্ৰাণে প্ৰাণে মিলি গোৱাঁ৷
তোমাৰ সুৰতে প্ৰাণ লীন গৈ
উঠক সকলো ব্যাপি,
প্ৰাণে প্ৰাণে মিলি হিয়াৰ কথাটি
