এই পৃষ্ঠাটোৰ বৈধকৰণ হৈছে
১৮
বী ণ - ব ৰা গী
শ্ৰেয়ৰ গৰাকী প্ৰভুৰ সেৱক
প্ৰয়াণৰ যাত্ৰী আমি,
নিঃকিনৰ ধন জগৎৰঞ্জন
প্ৰণামো জগৎস্বামী।
অনন্ত সুখৰ মন্ত্ৰ মোহ হৰা
হৃদয়ত জপোঁ মাথোঁ,
সবাওৰো হিত আৰাধোহোঁ নিত
প্ৰেমৰ থাপনা পাতোঁ।
শ্ৰেয়সী সত্ৰৰ সত্ৰীয়া সবাও
বিশ্ববাসী নৰগণ,
মানৱী জনম উছৰ্গী সবেও
ভজোঁ মানৱী চৰণ।
॥৮॥
প্ৰাণৰ প্ৰতিষ্ঠা জীৱন্ত সাধনা
দেহাত কৰাহে থিয়,
চুকে-কাণে যত জড় দেৱমূৰ্ত্তি
নিশ্বাসতে পাব জীৱ।
সুষুপ্ত আত্মাৰ সূক্ষ্ম শকতি
জগাই মাথোন তোলাঁ,
আত্মাৰ বলেৰে বলীয়ান হই
বিজুলী সঞ্চাৰে দোলা।
জড় জগতৰ চেতন নিয়ন্তা
ৰথৰ সাৰথি তুমি,