এই পৃষ্ঠাটোৰ বৈধকৰণ হৈছে
২য় দৃশ্য ]
১৭৯
নগা কোঁৱৰ
মুহিলা— দে মুহিলা— মোৰ কঙ্কণ দে— হাৰ দে!
গলপতা দে! খাৰু দে! কেৰু দে! মণি দে!
মোক সেন্দুৰ দে! জেতুকা দে! মই স্বামীৰ কাষলৈ
যাম! মাতি আন আয়তীহঁতক—!
[ দুলৰি, সৰাইত মাহ হালধি সেন্দুৰ ইত্যাদি লৈ আয়তী
বিলাকৰ প্ৰবেশ ]
আহিছা! উৰুলী দিয়া! মোক সজাই দিয়া।
এতিয়া হেংদান—! মোৰ হেংদান আন! ঢাল আন!
বৰ্ষা আন!
বিদায় স্বৰ্গদেও! বিদায়! আহাঁ আই! আহা বাই
আহা ভনীহঁত! এইবাৰ আমাৰ পাল! দেখক জগতে---
বুজক পাঠানে নাৰীৰ কিমান শক্তি! এবাৰ বোলা ভনীহঁত---
বোলা---সকলোৱে—জয় আহোমৰ জয়!
সকলোৱে—জয় আহোমৰ জয়!
[মূলা আৰু আয়তীহঁতে উলী দিয়ে আৰু তাৰ পিছত গীত গায়]
গা তুলিবৰে হ’ল অ আয়তী গা তুলিবৰে হ’ল ঐ
গা তুলিবৰে হ'ল!
ভটিয়া পানীতে নাও মেলিছিলোঁ।
নাও ভাগি চিগি গ'ল!
