এই পৃষ্ঠাটোৰ বৈধকৰণ হৈছে
জুৰণি।
কথাত শিপাই কথা বাঢ়ে ৰঘুমলা,
আনন্দৰ কুঁহি ঠাৰি কৰে সি জুৰুলা।
গুণ্ গুণ্ গুণে মন, উৰি ঘূৰি চায়,—
মনোমত কত পায় জিৰণিৰ ঠাই!
আহিল উলটি পাচে বিশ্বৰাজ্য ঘূৰি,
স্বদেশৰ দৰে নাই পুণ্য মধুপুৰী।
প্ৰাণে প্ৰাণে আশা কৰা অভাৱৰ গুটী,
নাইনে পাবলই,—হিয়াৰ ধাউতি;
পাঙিছিল কত ভোগ, পূৰ হলে আশা,—
ছাতিলে গুটীৰে হিয়া;— পূৰ্ব্ব ভাব মিছা।
কাছুতিত লাগি ধৰি কৰে সি আমনি,
ভালপোৱা নাই তাৰ উদ্দেশ্য কৰি।—
প্ৰাণ দি মিলন ৰাখোঁ, স্বভাৱেই মোৰ,
নীচ মই বনগুটী , প্ৰেম-পুৰী-চোৰ!
৭০৯
