এই পৃষ্ঠাটোৰ বৈধকৰণ হৈছে
জুৰণি
নিৰাশ।
বাজমনে কয়, আৰু নলওঁ বাতৰি,
অৱশ শৰীৰ মন বৃথা চেষ্টা কৰি!
ভিতৰি মনৰ মনে গুণে গুৰ্ গুৰ্
দুনাই বিচাৰি জানো পাওঁ কিবা ওৰ?
⸺০⸺
কেঁচা আৰু পকা।
অকালত শৰীৰৰ ভগন পতন
দেখি, নিন্দে নিয়তীৰ নিয়ম বন্ধন।
পকি−জহি হাৰ−ছাল, পূৰ্ণ হলে কাল,
এৰিব নোৱাৰি দেহা নিদায় কপাল!
⸺০⸺
ডাঙৰীয়া
ডাঙৰ দীঘল দেখোঁ তাল-তামোলত
আপোন শোভাৰ হেতু দুটিমান পাত
ছঁয়া নাই জিৰণিৰ,−বাজে প্ৰাণে ব্যাথা,-
আশা কৰা ফল পোৱা নিলগৰ কথা।
⸺০⸺
আশাৰ নিবৃত্তি।
"পাম নে নেপাম" ভাবে ঘুৰি−পাকি চায়,
আশাৰ চাকিটি যেন ঘনে ধিমিকায়;
৭০২
