এই পৃষ্ঠাটোৰ বৈধকৰণ হৈছে
জুৰণি।
অগণন লীলা-খেলা,—সম্পদ, অপায়,
ক্ষুদ্ৰ ক্ষুদ্ৰ পানী-ফোঁট, উঠে আৰু নাই;
দুদিনীয়া সংসাৰৰ সম্ভোগ, বিলাস,
মৃত্যুৰ পাচত চিন্ সমূলি বিনাশ;
ভাবৰ চিনাকি হেতু আঁচে-ধৰা কথা,
জীৱনৰ কীৰ্ত্তিচিন, প্ৰাণ সতে গঁথা,
সংসাৰৰ মহামেলা, মৰত প্ৰবাস,
সম্পদ, অপায়, আৰু সম্ভোগ, বিলাস;
সবাৰো অক্ষয় চিন্ আঁকিবৰ গুণে,
মহি সৃষ্টি মৰতত স্বৰগ ৰহণে।
শিশুৰ প্ৰথম বুলি, আধাফুটা ভাব—
শুনি গুচে জননীৰ সন্তাপ অভাৱ;
নেদেখা মিলন পাচে পোনে দেখা-দেখি;
আধাকোৱা দুটি কথা আবেগত লেখি;
বছৰৰ পোন্-দিনা কালপাতনিত;
প্ৰথম নতুন ভাৰ ঋতু সলনিত;
বতৰৰ পকা ফল পোন্-প্ৰথমত;
পোনতে প্ৰণাম শিকা গুৰু চৰণত;
প্ৰথম পৰ্ব্বত দেখা, নদী উত্পতি,,
নিজৰা-নিসৃত জুৰি, বেঁকা-বেঁকি গতি;
৬৮৮
