এই পৃষ্ঠাটোৰ বৈধকৰণ হৈছে
জীবন সঙ্গীত।
(কবি Longfellow-ৰ ‘A Psalm of Life’ নামে ইংৰাজী কবিতাৰ ভাঙ্গনী)
১
শোকৰ কবিতা ৰচি, দুধাৰি চকু-লো মচি,
নকবা জীৱন মিছা নিশাৰ সপোন;
অসাৰ সংসাৰ ভাই, ইয়াত সকাম নাই,
মোহময় মায়াময় সকলো মাথোন।
২
পুত্ৰ কন্যা পৰিবাৰ কোন তযু তুমি কাৰ
বুলি হেৰা অবাবত নকৰাঁ বেজাৰ;
কলা-ঘুমটিয়া হই, আতমা যে আছে বই,
জানিবা মৰণ নাই এই আতমাৰ।
৩
অস্থায়ী মানৱ দেহা, কৰিম দুদিন বেহা,
ফুৰিম দুদিন মাথোঁ সংসাৰ-হাটত;
দুদিনৰ অন্ত হলে, আয়ুষ ঢুকাই গলে,
সুন্দৰ দেহাৰ ঠাই শেষ শ্মশানত।
